truus

        Хүний нутаг

Хүний нутгийн зүлэг нь хатуу

Хүйтэн байдаг булаг нь халуун

Зөөлнөөр үлээх салхи нь ширүүн

Зөгийн бал шиг сархад нь хор

Алхаад явахад газар нь давчуу

Амтархан идэх хоол нь гашуун

Ам цангаад уухад ус нь шорвог

Алжаал тайлах цаг нь бага

Ажил дээр гаргасан алдаа болгон минийх

Албан тушаалтай дарга нарынх нь хэлэх үг нь шибал

Хийгээгүй хэргийн төлөө

Хилсдэж баахан загнуулна

Хэлгүй юм шиг бүлтэгнэж

Хэцүүхэн л байсан хангүг

Ягаан чуганы ээлжээр

Ядарч үхтлээ ажилласан ч

Ялтай юм шиг зүтгэсэн

Яах ч аргагүй гэрээнийх